కదలాడేటి కల కరుగనీకుమా
కనుమూసి తెరచే లోపుగా.. నువ్వు కన్నుమరుగైపోకుమా...
అనుకోని రీతిలో ఎదుటపడిన నీతో మాటలే నాకు రావులే
అచ్చెరువొకింత సంభ్రమము కలగలిసిన స్థాణువైపోతినే
దరి చేరరావోయి ప్రియతమా
కదలాడేటి కల కరుగనీకుమా
కనుమూసి తెరచే లోపుగా.. నువ్వు కన్నుమరుగైపోకుమా...
ఉబికినచో అస్పష్టమగునని మిన్నకుంటివేమో కనులు
ఎన్నేళ్ళ కన్నీళ్ళు క్షణకాలములో చన్నీళ్ళుగా మారిపోయెనే
దరి చేరరావోయి ప్రియతమా
కదలాడేటి కల కరుగనీకుమా
కనుమూసి తెరచే లోపుగా.. నువ్వు కన్నుమరుగైపోకుమా...
అడుగులు భారమై విడివడి నడచిన ఆ వేళలో నా కనులకు
అరుణిమ దాల్చిన నీ రూపమేతప్ప మరియొకటి కనపడదులే
దరి చేరరావోయి ప్రియతమా
కదలాడేటి కల కరుగనీకుమా
కనుమూసి తెరచే లోపుగా.. నువ్వు కన్నుమరుగైపోకుమా...
--యడవల్లి వేంకట సత్యనారాయణ శర్మ.
